நிலா!

அவர்கள் எங்கள் தெருவில் புதியதாய் குடி வந்திருந்தார்கள். அன்று தான்  அவளை முதல் முறை பார்த்தேன். மொட்டை மாடியில் சோறு ஊட்டி கொண்டிருந்தாள் அவளின் அக்காள் குழந்தைக்கு.

நிலா காட்டி சோறு ஊட்டுவதை

பார்த்திருக்கிறேன்

நிலவே சோறு ஊட்டுவதை
அன்று தான் பார்த்தேன்!
கொடுத்து வைத்த குழந்தை அது
பின்னே! நிலவு கையால் தின்கிறதே!

அமாவாசை விரதம் முடிக்கனும்
சாப்பிட வாடா - அம்மா அழைத்தாள்
இவர்கள் எங்கே அறிவார்கள்
இனி எல்லா நாளும்
எங்கள் ஊரில் பௌர்ணமி என்பதை
நிலவு தான் -  எங்கள்
தெருவிற்கே குடி வந்து விட்டதே!

இவர்கள் நிலவில் வாழ ஆராய்கிறார்கள் 

நானோ நிலவுடனே  வாழ ஆயத்தமாகிவிட்டேன்!